أطلق رئيس قسم الاستعجالي بمستشفى عبد الرحمان مامي رفيق بوجدارية صيحة فزع بالنظر إلى الأوضاع الاقتصادية والاجتماعية وخاصة منها الصحية التي تعيشها بلادنا. ودوّن الطبيب على صفحته على شبكة التواصل الاجتماعي قائلا"نحب نحكي على 107 وفيات متاع البارح ...ما نجمتش، حبيت نحكي على الفوضى متاعEvax ما نجتمش، حبيت نحكي على التسيب والإنفلات وانعدام الوقاية ما نجمتش، حبيت نحكي على المستشفيات اللي ماعادش فيها فرش فارغ ..ما نجمتش ، حبيت نحكي على أقسام الإستعجالي اللي تملى وتفرغ بالمرضى والناس مرعوبة مانجمتش، حبيت نحكي على المصحات الخاصة مليانة وغالية وما نجمتش، حبيت نحكي على التوانسة اللي استفردت بيهم الكورونا وخنقهم القلق على مستقبلهم وما نجمتش، حبيت نحكي عللي كتبوFMI على تونس نهار الاربعاء ما نجمتش، حبيت نحكي على العركة بين الرئيس والغنوشي وما خلفتو من أضرار ما نجمتش، حبيت نحكي عللى يجيش ضد القضاء العسكري وما نجمتش، حبيت نحكي على الهيجة متاع نواب النهضة والإئتلاف ما نجمتش، حبيت نحكي على الفقر اللي ضارب أطنابو في بلادنا وما نجمتش، حبيت نحكي على الغلاء والكوى في الأسواق وما نجمتش، حبيت نحكي على الحكومة اللي إتونس فينا وما هياش تطمن فينا وما نجمتش، حبيت نحكي على أحزاب "حل الصرة تلقى خيط" ما نجمتش" وتابع الدكتور بوجدارية "حبيت نحكي على هذا الكل خاطر غرقنا تحت هذا الكل وماناش فايقين ولانا عازمين باش نخرجو من هالحالة ..أما الأكيد والمتأكد أنه لا يمكننا أن نواصل بها الحمل اللي يڨعڨع الجمال ...برشا علينا ربي يلطف بينا ويهدينا و يجلي الغمة علينا".