أثار ظهور سلسلة جديدة من فيروس كورونا فزعا في العالم بأسره، خصوصا وأن المعلومات تفيد بأن الفيروس الجديد ينتقل بسرعة كبيرة. و في تدوينة له على صفحته الخاصة في الفايسبوك، فسر الدكتور ماهر عباس طريقة تحول الفيروس و إن كان هذا التحول مثير للخوف أم لا : '' في ما يخص السلالة الجديدة متاع الفيروس الي توجدت في العديد من البلدان وخاصة بريطانيا وإلي الناس الكل مرعوبة منها حبيت نقوللكم حويجة صغيرة . # الفيروس باش يعيش في الجنس البشري لازمو يتصرف بطريقة ذكية ولازمو يتحول حتى يضمن عيشه ويتغلب على المناعة متاعنا . وباش ينجم يضمن هذا لازمو يتحول غالبا بزوز طرق مختلفة : - يا يزيد في الشراسة متاعو - يا يزيد في سرعة العدوى المعروف انو الفيروسات غالبا تستعمل واحدة من الطرق هاذي وقليل ياسر أو صعيب ياسر تستعمل الطرق الزوز . الفيروس الجديد ينتشر بسرعة كبيرة 70% معنتها الارجح انو الشراسة متاعو موش باش تزيد . ويبقى الحذر واجب خاطر الي نشوف فيه حاليا اننا قاعدين مستسهلين الحكاية وماناش نطبقو في الإجراءات. ''