تحدّث المهندس بالمعهد الوطني للرصد الجوّي هشام السكوحي اليوم الخميس 11 أكتوبر 2018، عن الوضع الجوّي باللغة العامية "الدارجة التونسية". وقال السكوحي: "كانك قاري وفهيم وتعرف حروف المعاني تبّع النشرة الجوية وقوللنا رايك وخبّرنا على حال الدنيا في حومتك وفي كل ثنية نحنا حذرناك وإنت شارك أهلك وجيرانك راهو الطقس باش يكون ماطر بالباهي ومرعّد يبدا من توا بالجريد والصحراء والخليج من قابس ومدنين وعند وخيانا بعمق الجنوب وانشالله مطرة سمحة لكنها قوية وبالكشي تعطل أشواركم ننصحكم خوذو احتياطكم ملعشية والليلة الجاية ومن غدويكا في الصبحية: برد وريح ومطر ووديان جارية وللبقية نقلكم بايكم يا جماعة الشمال وأهلنا ومالينا في الكاب-بون والسواحل الشرقية من غدوة لعشية وفي الليل وكان حب ربّي السبت في الصبحية أمطار زادة باهية وسخية وتبروري وريح عاصفة وقتية وكان تأزمت رانا تتبعو فيها في كل ساعة وكل منطقة وطنية وبالعينة منكم نتداركو ما فاتنا وإلي جاينا في الثنية..."