انتقد النائب بالبرلمان المنحل هشام العجبوني تأكيد رئيس الجمهورية قيس سعيد في عديد المناسبات على نجاح الاستشارة الوطنية الإلكترونية رغم سعي بعض الأطراف لتعطيلها. وقال العجبوني في تدوينة نشرها على موقع التواصل الاجتماعي فيسبوك "يا سيدي نبصمو بالعشرة أنّ الإستشارة الوطنية الشعبيّة ناجحة ناجحة ناجحة و موش لازم في كلّ محضر تذكّرنا أنّها ناجحة رغم المؤامرات و الإعتداءات و الإيقافات و الهجومات السيبرنيّة و ما يُحاك في الغرف المظلمة من الأشرار الذين لا يريدون الخير لهذه البلاد". وتابع العجبوني :" باهي، 0ش عملنا في نقص المواد الأساسية من سميد و فارينة و روز و زيت و سكّر؟ 0ش عملنا في الصفوف اليوميّة بش تنجم تشري زوز باڨات؟ 0ش عملنا في الغلاء الفاحش لأسعار الخضر و الغلال؟ (خضار في العوينة : البطاطا 2,8د / الفلفل الحلو 6,8د / الفلفل الحار 7,8د / الطماطم 2د / الفراولة 10د….) 0ش عملنا بش نستبقوا الأزمات المقبلة (مياه معدنية/ حليب/ غاز / محروقات / حبوب / علفة / أسمدة…..إلخ)؟ 0ش عملنا للحدّ من نسبة التضخم إلّي بلغت في مارس 2022 حوالي 7,2% و ماشية في الإرتفاع؟ 0ش عملنا في إغلاق ميزانية 2021 (ايه نعم، ميزانية 2021)؟ 0ش عملنا في ميزانية 2022 و في تعميق عجزها بحوالي 5 مليار دينار؟ 0ش عملنا في تدهور المقدرة الشرائية للتونسيين بطريقة غير مسبوقة و التي تنذر بانفجار اجتماعي؟ كما تساءل القيادي بحزب التيار الديمقراطي: "إلّي بش يجوع بش تقلّوا كول و اشرب استشارة؟ إلّي يعجز بش يصرف على عايلتو بش تبعثلوا ماندة استشارة؟ إلّي موش بش يقدر يداوي أولادو بش تبعثلوا استشارة طبية؟ عجز ميزانية الدولة بش تسدّوا بالإستشارة؟ حاجة الاقتصاد التونسي للتمويل بش تعبّيه بالإستشارة؟ إلى متى سيتواصل كلّ هذا العبث و البلاد كل يوم تزيد تغرق؟