علق الناشط السياسي هشام العجبوني على تركيز رئيس الجمهورية على الاستشارة الوطنية و"إصراره" على نجاحها دون التركيز على توفير قوت التونسيين والنقص الكبير في المواد الأساسية. ودوّن العجبوني على صفحته قائلا "يا سيدي نبصمو بالعشرة أنّ الاستشارة الوطنية الشعبيّة ناجحة ناجحة ناجحة وموش لازم في كلّ محضر تذكّرنا أنّها ناجحة رغم المؤامرات والاعتداءات والإيقافات والهجومات السيبرنيّة وما يُحاك في الغرف المظلمة من الأشرار الذين لا يريدون الخير لهذه البلاد." وتابع "باهي، 0ش عملنا في نقص المواد الأساسية من سميد وفارينة وروز وزيت وسكّر؟0ش عملنا في الصفوف اليوميّة بش تنجم تشري زوز باڨات؟0ش عملنا في الغلاء الفاحش لأسعار الخضر والغلال؟"، واستشهد في ذلك بالأسعار المعروضة عند أحد بائعي الخضر وقال "خضار في العوينة : البطاطا 2,8د / الفلفل الحلو 6,8د / الفلفل الحار 7,8د / الطماطم 2د / الفراولة 10د...0ش عملنا بش نستبقوا الأزمات المقبلة (مياه معدنية/ حليب/ غاز / محروقات / حبوب / علفة / أسمدة.....إلخ؟ 0ش عملنا للحدّ من نسبة التضخم إلّي بلغت في مارس 2022 حوالي 7,2% وماشية في الارتفاع؟ 0ش عملنا في إغلاق ميزانية 2021 (ايه نعم، ميزانية 2021)؟ 0ش عملنا في ميزانية 2022 وفي تعميق عجزها بحوالي 5 مليار دينار؟ 0ش عملنا في تدهور المقدرة الشرائية للتونسيين بطريقة غير مسبوقة والتي تنذر بانفجار اجتماعي؟". وختم بالقول "إلّي بش يجوع بش تقلّوا كول واشرب استشارة؟إلّي يعجز بش يصرف على عايلتو بش تبعثلوا ماندة استشارة؟إلّي موش بش يقدر يداوي أولادو بش تبعثلوا استشارة طبية؟عجز ميزانية الدولة بش تسدّوا بالاستشارة؟حاجة الاقتصاد التونسي للتمويل بش تعبّيه بالاستشارة؟إلى متى سيتواصل كلّ هذا العبث والبلاد كل يوم تزيد تغرق؟" وفق تعبيره.