تفاعل الاعلامي حمزة البلومي، اليوم الاثنين 1 افريل 2024، مع المخرج أنور نوتر الذي تعرّض لحادث مرور خطير. وفي تدوينة على حسابه الرسمي "فيسبوك"، وجّه البلومي نداء لوزير الصحة للتدخل ونقل انور نوار الى المستشفى العسكري او أحد مستشفيات العاصمة. وال: "تسمعو أحيانا شكرنا لجنود الخفاء... أو الزملاء في الكواليس وإلا في الحافلة.. هو واحد منهم.. من الشبيبة المغرومين بخدمتهم واللي قدمولكم الكثير من البرامج اللي شفتوها في الحوار: المخرج أنور نوار اليوم في حاجة لكل واحد ينجم يعاونو. أنور تعرّض لحادث مرور خايب ياسر واليوم وضعو الصحي صعيب. الحمد الله أخبار أولية إيجابية على السكانير وان شاء الله تتأكد. لكن مع دعانا ودعاكم لبو العائلة الشاب هذا أنو يقوم لباس ويرجع لنواراتو الصغيرات اللي يستناو فيه.. المطلوب اليوم عناية كبيرة بيه لسوء الحظ موش موجودة في كل سبيطاراتنا. السيد وزير الصحة والسادة الأطباء أرجو أنكم تتفاعلو معانا ومع كل أحباب وأصحاب أنور الموجود في قسم الانعاش في مستشفي حبيب بوقطف بنزرت.. الرجاء نقله لقسم الانعاش بالمستشفي العسكري أو الرابطة او الحروق البليغة او محمود الماطري باريانة لتوفرهم على أقسام انعاش قد تفيد أكثر في انقاذ أنور. كلنا أمل في تفاعل القائمين على هذه المؤسسات الطبية مع هذا النداء. ساعدونا لإرجاع أنور لوليداتو وحياتو".
