ردت الفنانة المسرحية ليلى طوبال على قرار حركة النهضة "مقاضاة الأشخاص والمؤسسات الإعلامية المنخرطة في حملات التشويه الممنهجة" والذي صدر في بلاغها الأخير. وقالت المسرحية في تدوينة لها على صفحتها على شبكة التواصل الاجتماعي" إلّي ينجّم يبعث لمونبليزير عصير وما تيسّر من التيزانا وحرابش الأعصاب... يظهر فيهم الجماعة اتنرفزوا وطلعلهم الدّم وخرّجوا الخوانجيّة إلّي فيهم... إلّي هي حقيقتهم... أحنا نشيخوا عالتهديد... جوّنا وبما أنّكم إنتوما تفرّجتوا علّي صار بين 17 ديسمبر و14 جانفي في تلافزكم ... ما تعرفوش إلّي شعار " لا خوف بعد اليوم" إلّي ترفع في المظاهرات وتكتب على الحيوط ما زال ساري المفعول لليوم وغدوة وبعد غدوة... " وأضافت قولها"ما تهدّدوناش... الحرية تفكّت بالدم وما ناش مستعدّين نفرّطوا فيها مهما كان الثمن... ما تهدّدوناش ... شفنا خصايلكم ومحضرّين أرواحنا للنهار إلّي تلوّحوا فيه الكرافاتات والكساوي... ما تهدّدوناش... أحنا مالكين الأسلحة الفتّاكة: حبّ البلاد والامل إلّي مهما صار باش تقعد واقفة شامخة وصامدة .