والله يا جماعة صدقوني اليوم وقفت ممكن عشرة دقائق داهش في عجب ربّي : يا سيدي وحيّد بسيارة باهية موش مضخمة ياسر وموش موش كيف زمردة متاعي واقف في قلب الكيّاس ويحكى مع صاحبو بكل هدوء ودم بارد والناس الكل وراه يزمروا ويقرقوا بيه باش يراكي على جنب ويحكي في عقلو … المشكل يا جماعة إلى سي وخينا تغشش ياسر عليهم وحلف بالأيمان ماهوش ماشي وإلى عندو ذراع يتفضّل …. ههه حشيشة رمضان طلعت وهو صايم الله غالب يا سيدي فالأخر هداه ربّي وركب في كرهبتوا وحط دوزيام ودمرج لكن بعد ما جبد دبّوسة الماء وعبّى كريشتو …. حتى هي حشيشة رمضان