للاسف سي سمير ممكن ما نعرفش صغرك واش عملت فيه ووين عشتو وكيفاش عشتو …احنا مالي صغار كان زيت الزيتونة دوانا مالكحة ومن البرودة …زيت الزيتونة كان البلسم لشعر خواتي الكل …الزيت كان فطور الصباح متاعنا بالخبز السخون والا بعصيدة الفارينة …زيت الزيتونة كان سيد بيت المونة وسيد الجرار ….انت يا سمير بالطيب ظاهرلي عشت في صغرك على الروز بالفاكهة وماكش كيف التوانسة الكل …ما غلفتكش امك بالزيت باش عظامك تصح …ما دهنتش قصتك بالزيت باش ربي يفتحها في وجهك ….قول الي تحب …لكن فضحت روحك يا وزير الغلبة انت موش تونسي بسيط كيفنا خاطرك ما مريتش بهالمراحل الي مر بيها التوانسة الكل ….يحرزلك ….. والا سمعتك ما اتعس …ويقى كلامك هراء …مجرد هراء …… على فكرة راك وليت تكركيرة في صفاقس