انا مواطن عادي جدا ..اتابع كل ما يحدث كسائر الناس ... استمدّ من تجربتي المتواضعة في الاعلام ..ومن القليل الذي تعلمته في دراستي وفي الحياة ..كل مواقفي ... وطبعا اخطئ في البعض واصيب في البعض الاخر ... وشعاري في ذلك البحث عن الحقيقة كل الحقيقة ولا شيء غير الحقيقة .. احاول قدر جهدي ان لا اعادي ولا اجامل ..فقط اعدائي من كانت مواقفهم فيها عداء للوطن وخيانة له اليوم جالت بفكري مجموعة من الاسئلة والتي ارى فيها من حقي ان اعرف عنها بعض ما بقي تحت حسّ مسّ ابدأ بمدينتي صفاقس واسأل ... اين هو مصبّ النفايات حاليا بعد غلق مصبّ عقاررب ؟؟ الزبلة متاع صفاقس وين قاعدة تمشي ؟؟ ما نحبوش نهار اخر نعيشو نفس اللي عاشتو عقارب ..كل المدن عزيزة علينا ماذا وقع في مشكلة الافارقة المهاجرين الى تونس عموما وتحديدا الى صفاقس ؟؟ الملاحظ انّ عددهم قلّ بصفاقسالمدينة لكن ماذا عن اخبارهم بالعامرة ...؟؟ وهل هنالك حلّ جذري لوجودهم غير الشرعي بتونس ؟ دائما حول مدينتي ...اسال من هو احمد الجزيري الذي ومنذ زمن يسلخ في النادي الرياضي الصفاقسي وفينا معه باخبار اهملتها كل وكالات الانباء ؟؟...واش يعجبك فيها اخبار كلّها قاتمة ... تقولشي واحد راكش في الدورة ويستنى وقتاش يعفص في المسؤولين ... وعندو حارة وزوز معاه يدربكولو وهو شايخ بروحو تقولشي مختار التليلي او يوسف الزواوي او عمك رضا العرفاوي وهوما يهاجمو في كل الفرق الاخرى لفائدة نادي باب ابو سويقة اعزكم الله .. اذا كان سي الجزيري عندو حق ومعلوماتو صحيحة ماعلينا كان الكل نطالبو بفتح تحقيق شامل فيما يدور بدواليب النادي ..واذا كان السيد الحزيري يعمل لحساب الغير يجب تقديم شكاية فورية من طرف النادي للقضاء لمعاقبه قانونيا وبصرامة ودون رحمة .... سؤال اخر في الشأن الوطني ...اش صار في حكاية الملف السرّي لحركة النهضة ؟؟ وفي نفس السياق المسجونون حاليا في قضايا مختلفة موش من حقنا كمواطنين انو محاكمتهم تكون بشكل مباشر وكل ليلة نجيبو شوية تاي وزلوز ونعملو زنس شيخة معاهم وعليهم ؟؟ وربي ينصر المظلوم منهم والبقية اللي يعمل يخلّص دون شماتة ... زعمة من حقي ومن حقكم نلقاو اجابات على مثل هذه الاسئلة والا طزززز فينا وفي حقوقنا كمواطنين ننتمي لتونس التي نحبها كما لم يحبها احد .....
