انا وكتبي بقلم محمود حرشاني مسيكم بالخير..كيف كتبت الصباح وقلت اللي انا عندي 22 كتاب مطبوع وحررت واعددت عشرات البرامج الاذاعية بخلاف عملي كمراسل جهوي للاذاعة والتلفزة لمدة اكثر من ثلاثين سنة وكتابتي لعشرات المقالات باشهر الصحف والمجلات العربية. صديق من الاصدقاء هو يقول هكة وانا انقللو مرحبا بيك عاد كتبلي بربي يا سي محمود كتبك وين موجودة وعلاش تحكي..انا فهمت القصد متاعو لكن حبيت انجاوبو موش على الخاص ولكن على الحائط متاعي لتعميم الفائدة.انقول للصديق هذا يا سيدي انا انسان مهوس بالكتابة وما يمرش نهار وما نكتبش ولو كان جات عندي امكانيات راهو عدد كتبي يصل الى الثلاثين كتاب على الاقل…..ولكن الناس الكل تعرف ظروف الكتاب اليوم من ناحية غلاء الطباعة وانعدام مسالك الترويج و مع ذلك وفقني ربي واصدرت 22 كتاب.وبكل تواضع كتبي في كافة اغراض الكتابة مثل ادب الرحلات وادب السيرة الذاتية والتراجم والابحاث والدراسات وادب الترسل وادب الخواطر.ومن عناوين كتبي اذكر رائحة الارض وهذا كتاب خذيت بيه جائزة وزارة الثقافة وكتاب البحث عن فكرة وهو كتاب فيه محاورات مع كبار الكتاب والمثقفين العرب وكتاب دفنر سفر وفي ادب الرحلات والسيرة الذاتيةكتاب مذكرات صحفي في الوطن العربي وكتاب قول على قول وكتاب بلا قيود في الادب والفن وكتابي بين الادب والسياسة وكتاب فبض الوجدان ومدخل الى تاريخ الثقافة في تونس مجلات افلت وكتابجوائز ادبية في الوطن العربي وهذا ترجم الى الصينية وكتاب عامر بوترعة حياته وشعره وكتاب خمسون سنة من الوفاء .اما اول كتاب كتبتو فكان بعنوان قبل ان تمضي الايام وتلاه كتيب صغير بعنوان مقالات ودراسات …. وانحب انقول لصديقي هذا اللي كتبي موجودة في اشهر المكتبات العربية مثل مكتبة الاسكندرية وما ادراك ومقهرسة الكترونيا ومكتبة الملك فهد ومكتبة الكنفرس الامريكية ومكتبة البابطين الشعرية. وبما انو لا نبي في قومه فانالبعض يصر الحاحا على ان الصجفي ليس بامكانه ان يكون كاتبا وما يصدقوش اللي انا بكل تواضع عندي 22 كتاب…اش تحب تعمل ما هو احنا نحبو نقزمو بعضنا برشه. لكن .ما يهمش انا راض على نفسي..ويرجع حديثنا للبرامج الاذاعية يا سيدي يا بن سيدي العبد لله اعد وقدم عشرات البرامج الاذاعية وتقريبا في كل الاذاعات اذعة صفاقس واذاعة المستير واذاعة قفصة واذاعة سيدي بوزيد واذاعة قمر تونس والاذاعة الوطنية التونسية..وانتجت في هذه الاذاعات البرامج السياسية والبرامج الثقافية وكتبت الاحاديث الاسبوعية.. بحيث ما تماش مجال ما كتبتش فيه الا الرياضة انا واياها اصحاب ما نفهمش فيها.الحصيلو قبل ما انكون كاتب انا انسان يقرى ياسر اقصد الكتب والمجلات..ومن فضل الله علي اني اكتب باللغتين العربية والفرنسية بطلاقة والحمد لله..ما نعرفش يا صديقي كان انا جاوبتك ام لا ..المهم عطيتني فرصة باش تحدثت شويه على روحي وعلى تجربتي في الكتابة والصحافة والاذاعة..وسامحوني على الازعاج