لما قالت المنشطة عائشة بن عثمان "كيف نستدعى فنان تونسي كارو هو يخلصني" لم تكن تعلم ان هذه العبارة ستعرضها الى هجوم «كاسح» من الفنانين لتكون في مرمى الانتقادات بعد ردود الافعال العاصفة اثر تصريحاتها خلال استضافتها براديو "ifm ". تصريحات أثارت استياء الفنانين التونسيين وسخطهم لما اعتبروه تقزيما لقيمتهم الفنية وتجاهلا لمكانتهم الحقيقية من منشطة وصفوها بانها نكرة متعالية ومتطاوسة اعتقدت ان «الفلوس» ستصنع نجوميتها لكنها ظلت خارج دائرة النجاح تراوح مكانها لم تقدر على تجاوز حتى خط الفشل في برنامج باهت بلا روح على حد تعبيرهم. وتبعا لعباراتها غير المحسوبة ظلت على مدى اليومين الماضيين عائشة في مرمى «نيران» اغلب المنتمين للقطاع الفني على مواقع التواصل الاجتماعي "الفايسبوك" لتتحول من خلال عشرات التدوينات الى محل تعاليق ساخرة شككت في حرفيتها واتهمتها بالانتهازية ونكران الجميل لان الفنانين التونسيين كانوا الى جانبها ولبوا طلبها كلما وجهت اليهم الدعوة لتأثيث برنامجها. منيرة حمدي توجهت اليها قائلة:"توه نورمال يا عايشة اتقول الفنان التونسي يلزمو ايخلصني كي يتعدى معايا خاطر باش انعديه مع نجم من برا على أساس انك انت لبرا يعرفوك ولا ايتبعو فيك وانحب انقلك الي الفنانين الي قاعده اتجيب فيهم راك اتجيب فيهم بعقلية الفلوس مكانش حتى هوما لا ايجيوك بلاش ولا يعرفوك من أصلو وأقل فنان تونسي مسيرتو تتكلم عليه موش فلوس الsponsoring !!! على الاقل احترمي الهوية كي انت ما تحترمش الفنانين التوانسه ايمان الشريف وجهت لها لوما شديد اللهجة من خلال تدوينة تضمن الكثر من الانتقادات قائلة:»كنت نحترمك قبل وتسخفني وعاونتك في عدة مرات في حنبعل وانت كنت ترتجفين خوفا من الcaméra وانا معاك في برنامج عايشة وتعديت معاك وسلكتهالك انا وبرشا زملاء مثل رشدي علوان ومنذر بن عمار و....العديد من الفنانين وصولا إلى عايشة 9 tv اتصلت بي انت وفريقك وتشحتوني باش نجي مع وائل ورفضت رغم أنه صديقي وتلبطوني مرة أخرى مع رامي عياش ورفضت وزدتو طلبتوني مع سعد الصغير وزدت رفضت لسبب واحد وهو انكم تدفعو للبراينية وتنفعوهم والفنان التونسي تجيبوه بلاش وترقعو بيه التصويرة . يا عائشة نقلك عمرك ما كنت ولا باش تكون عايشة معانا وفي الأسرة الفنية احنا تعبنا وشقينا باش وصلنا راهي الفلوس ما تشريش القبول والإحساس والروح وربي يسامح الفنانين التوانسة اللي عطاوك الفرصة باش تعمل برنامجك على حسابهم وذلو رواحهم وطيحو قيمة الفنان التونسي على خاطر باش يتعداو مع فنان أجنبي ويتصورو معاه ااااااه ااااه انا نطلب من كل الزملاء والزميلات باش ما عاد يمشي حد للبرنامج الفاشل والذي يمس من كرامة الفنان التونسي» ومن جانبها كتبت وفاء بوكيل التدوينة التالية:»موضوع للا عايشة و تصريحها بأن الفنانين التوانسة لازم يخلصوها فلوس بش يتعداو معاها شخصيا ما بهتنيش و لا قلقني لأسباب موضوعية مباشرة منها : -نجموا نعملولك collecte بش تختفي من المشهد الإعلامي نهائيا و ترتح الشعب من ال constipation visuelle et esthétique الي تسببت فيها للشعب التونسي -برنامجك شخصيا كوفاء عمار بوكيل (شقيقة الدمدومة الأستاذة عفيفة بوكيل جويدة 20 عام خدمة و سلتان و فنانين تونس و المشرق و طاطليسس و القوره حاورتهم و 2 ماستير أعلام و ساكته ) و نحكي ب cassequette إعلامية ضاربة ماستير و مسيرة أطول من روبتك و شعرك المهفهف الراكب فانت تصلحين لتزيين محفل مثال طهور أو كتبان صداق muet دون الإتيان على الحديث و ما شابهه بجمالك الفتاك ربي يحفظك مالعين ! -كفنانة تونسية المولد و الأصل أسئلتك و كلك على بعضك لن تساهم لي أو لأي زميل أو زميلة في ترفيع الكاشي أو مثلا يولي يعربن بعد passage مع سيادتك و يولي يخدم 19 عربون في الليلة يعني عادي ! -أسهل حاجه ختاما هي أن أي وحدة تعرس ب homme d affaires و تتعدى لسي طاهر الجمل صديقي الغالي و تولي «موزيعة « و تشري entaine حتى من النازا أو تعمل sattellite على سطح القمرة انتبهي عزيزتي عند تطيح قدر اي فنان تونسي و تطوعا مني ممكن نعطيوك فلوس برا اقرأ شوية كتب و لا اعمل stage في الطبخ أو الشطرنج أو السكرابل» وتساءل هيثم هلال في حيرة: "هكة معناها ، لا ذات لا صفات و زيد أثقل من نهار الأحد العشية في نهار برد ( جبالك الرواسي و لا عبدك الثقيل ) و تزيد تتطاول على الفنانين التوانسة ، معناها لا يزي الشعب متحمل مساطتك و زيد قلة الحياء من فوق ، عيب كبير عليك و نصيحة صغيرة على الأقل كي ربي ما عطاكش القبول استعمل شوية ذكاء و برشة أخلاق فماش ما الشعب يبلعك و في الأخير عاش من عرف قدره( كلام موجه لعائشة و لأصحابي و زملائي من الفنانين في بلادي) اما الكوميدي لطفي بندقة فقد كتب "اى فنان يمشى العايشة الصفراء اللى تنشط بفلوس رويجلها ما ينجم يكون كان رخيص" واضاف بندقة في تدوينة اخرى "الى المنشطة عائشة.....أرجو من كل قلبي أن ترتقي بمضمون وإشعاع حصتك لدرجة أن النجوم المشارقة يدفعون لك لكي يمروا في منوعة تحقق لهم الاضافة وتكون منعرجا في مسيرتهم الفنية وليس العكس............ملاحظة تقرأ هذه التدوينة مرتين في اليوم صباحا ومساء بعد الأكل لمدة أسبوع......وان شاء الله لاباس" وبدوره تساءل الملحن عزالدين الباجي مستغربا:» شي ينطّق توّة هذا كلام يا عيشة .. قنديل باب منارة اللي فوق رأسك طلع بِالْحَقِّ يضوي ع البرّاني ...زعمة تخلّص في الضّرائب عند استقدام فنّانين أجانب ..».. وقال منذر بركوس " قمة النرجسية التي تعكس قمة الحمق والجهل وقلة الحياء"